Böyük Britaniyada koronavirusa görə həyatını itirənlərin sayı 100 mini ötüb
London, 26 yanvar, AZƏRTAC
Böyük Britaniyada koronavirusa görə həyatını itirənlərin sayı 100 mini ötüb. Ölkədə bu virusa yoluxanların sayı isə 3 milyondan çoxdur.
Artan ölüm halları və yoluxma sayına görə ölkədə fevral ayına qədər tətbiq olunan karantin müddəti yay aylarına qədər uzadıla bilər.
Krallıqda dekabr ayından bəri həyata keçirilən peyvəndlənmə kampaniyası çərçivəsində 6 milyondan çox insan peyvənd olunub. Hökumət, fevralın 15-nə qədər 15 milyon insana peyvəndin ilk doza vurulmasını planlaşdırıb.
Qeyd edək ki, Krallıqda Pfizer-BioNTech , Oksford-AstraZeneca və Moderna şirkətlərinin hazırladığı peyvəndlər tətbiq olunur.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
