Böyük Britaniyada koronavirusa qarşı peyvəndin vurulmasına başlanılacaq
London, 6 dekabr, AZƏRTAC
Böyük Britaniyada çərşənbə axşamı 50 xəstəxanada koronavirusa qarşı peyvəndin vurulmasına başlanılacaq.
Səhiyyə Nazirliyi bu həftə başlayacaq COVID-19 peyvəndinin istifadəsini ölkə tarixinin ən əhatəli peyvənd tətbiqi olaraq tarixə düşəcəyini qeyd edib.
Peyvənd, ilk növbədə, səhiyyə işçiləri, 80 yaşdan yuxarı olanlar və qocalar evi işçilərinə tətbiq olunacaq.
Bu həftə istifadəyə veriləcək peyvənd dozaları soyuducu qabların köməyi ilə Belçikadan krallığa gətirilib.
Peyvəndin mənfi 70 dərəcədə saxlanılması lazımdır. Bu səbəbdən peyvənd əvvəlcə xüsusi şərtlər təmin edə biləcək 50 xəstəxanada istifadə ediləcək.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
