Böyük Britaniyada “superqrip” dalğası: uşaq reanimasiyalarına yerləşdirilmələr artır
London, 18 dekabr, AZƏRTAC
Böyük Britaniyada qripə yoluxma hallarının kəskin artması fonunda intensiv terapiya şöbələrinə yerləşdirilən uşaqların sayı yüksəlməkdə davam edir.
AZƏRTAC “The Independent”ə istinadla xəbər verir ki, ilin bu dövrü üçün xəstəxanalara qriplə bağlı qəbul olunan pasiyentlərin sayı rekord həddə çatıb.
Milli Səhiyyə Xidmətinin (NHS) açıqladığı məlumatlara görə, ötən həftə hər gün orta hesabla 316 uşaq reanimasiya çarpayısı dolu olub. Bu göstərici əvvəlki həftədə 311, noyabrın sonlarında isə 293 təşkil edib.
Eyni zamanda, ötən həftə hər gün orta hesabla 3140 qrip xəstəsi xəstəxanada müalicə alıb ki, bu da əvvəlki həftə ilə müqayisədə 18 faiz artım deməkdir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
