BRAZİLİYA İLƏ BOLİVİYA ARASINDA YENİ “QAZ MÜHARİBƏSİ” BAŞLANMIŞDIR

15.09.2006 [21:52]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Boliviyada xarici qaz şirkətlərinə öz maliyyə uçotunu aparmaq qadağan edildikdən sonra bu ölkə ilə Braziliya arasında yeni “qaz müharibəsi” başlanmışdır. İndi bütün qaz şirkətlərinin fəaliyyətinə maliyyə nəzarətini Boliviyanın YPFB şirkəti həyata keçirəcəkdir. Ona Boliviyada hasil edilən qazı həm daxili, həm də xarici bazarda satmaq və öz qiymətlərini müəyyənləşdirmək səlahiyyəti verilmişdir.

Evo Morales hökumətinin bu tədbiri Braziliyada narazılıq doğurmuşdur. “Petrobraz”ın qaz emalı müəssisələri Boliviya bazarının qaza tələbatının 90 faizini ödəyir. İndi “Petrobraz” bütün məhsulu YPFB-yə təhvil verməlidir. YPFB bu qazı yerli bazarda satacaq və yalnız 30 gündən sonra Boliviya ərazisindəki qaz emalı müəssisələrinə kompensasiya ödəyəcəkdir. Bütün gəlir Boliviya xəzinəsinə köçürüləcəkdir.

Braziliya hökuməti Boliviyanın qərarına dəqiq və aydın cavab vermək niyyətindədir. Prezidentin mülki administrasiyasının başçısı, nazir Dilma Russef Boliviyanın bu qərarı ilə əlaqədar təəssüfləndiyini söyləmiş və onun bir qədər əvvəl əldə olunmuş razılaşmalara uyğun gəlmədiyini bildirmişdir.

BRAZİLİYA İLƏ BOLİVİYA ARASINDA YENİ “QAZ MÜHARİBƏSİ” BAŞLANMIŞDIR

MÜƏLLİFLƏ ƏLAQƏ

Bölmənin digər xəbərləri