Britaniya su şirkətləri çirkab su iddiaları üzrə 2 milyard dollarlıq məhkəmə ilə üzləşib
London, 24 sentyabr, AZƏRTAC
Britaniyanın 6 su şirkəti milyonlarla istehlakçını 1,5 milyard funt-sterlinq (2 milyard dollar) dəyərində artıq ödəniş etməklə aldatmaqda ittiham olunur.
AZƏRTAC xəbər verir ki, Londonda keçirilən məhkəmə prosesində iddia qaldıran hüquqşünaslar bu ittihamları gündəmə gətirib. İddiaçıların sözlərinə görə, Böyük Britaniyanın ən böyük su təminatçısı olan “Thames Water” daxil olmaqla bu şirkətlər çirkab sularının boşaldılması ilə bağlı məlumatları düzgün təqdim etməyiblər. Bu isə sənaye tənzimləyicisi “Ofwat”ı yanıltmaqla nəticələnib və şirkətlərə istehlakçılardan daha yüksək qiymət tələb etmək imkanı verib. Məhkəmə dinləmələrinin cümə axşamı başa çatacağı gözlənilir və prosesin davam edib-etməyəcəyi ilə bağlı qərar daha sonra açıqlanacaq.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
