Brüsseldə “Avropa Azərbaycanlılarının Qarabağ Forumu” təşkil olunacaq
Bakı, 18 noyabr, AZƏRTAC
Belçikanın paytaxtı Brüsseldə noyabrın 20-də “Avropa Azərbaycanlılarının Qarabağ Forumu” keçiriləcək.
Parlamentin mətbuat xidmətindən AZƏRTAC-a bildiriblər ki, forumda Ermənistan-Azərbaycan, Dağlıq Qarabağ münaqişəsinin tarixi, yaranma səbəbləri, həlli istiqamətində Ermənistanın törətdiyi maneələr barədə məlumat veriləcək, Xocalı soyqırımının tanıdılmasında Avropadakı Azərbaycan diaspor təşkilatlarının birgə fəaliyyət planı ilə bağlı müzakirələr aparılacaq.
Toplantıda rəsmi şəxslər, Azərbaycan, Türkiyə, Moldova, Gürcüstan, İraq, bir sıra Avropa ölkələrinin parlamentariləri iştirak edəcəklər.
Bölmənin digər xəbərləri
