Bu gün parlament seçkiləri ilə əlaqədar “sükut günü”dür
Bakı, 31 oktyabr, AZƏRTAC
Milli Məclisə noyabrın 1-də keçiriləcək seçkilərlə əlaqədar bu gün “sükut günü”dür.
AZƏRTAC xəbər verir ki, qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiyyətli nümayəndələri və vəkil edilmiş şəxsləri tərəfindən seçkiqabağı təşviqatın aparılması üçün ayrılan müddət oktyabrın 31-də saat 08.00-da başa çatıb.
Seçki Məcəlləsinə əsasən, seçkiqabağı təşviqatın aparılmasına səsvermə gününə 23 gün qalmış start verilir və səsvermənin başlanmasına 24 saat qalmış dayandırılır.
Milli Məclisə seçkilərlə əlaqədar seçkiqabağı təşviqatın aparılmasına oktyabrın 9-da başlanılmışdı.
Bölmənin digər xəbərləri
