Bu gün “Qəbələ” klubu Antalyada Çexiyanın “Bohemians” komandası ilə üz-üzə gələcək
Bakı, 24 yanvar, AZƏRTAC
Bu gün “Qəbələ” klubu Antalya toplanışı çərçivəsində sonuncu yoxlama oyununu keçirəcək.
AZƏRTAC xəbər verir ki, təmsilçimiz Çexiyanın “Bohemians” klubu ilə üz-üzə gələcək. Bu, baş məşqçi Elmar Baxşıyevin komandasının qardaş ölkədə üçüncü sınağı olacaq. Bunadək Polşanın “Zaqlembe” (1:2) və Şimali Makedoniya “Boreç” (1:0) komandaları ilə görüşən “Qəbələ” son görüşünü “İC Santai” Futbol Mərkəzində keçirəcək.
Qeyd edək ki, bu matçla toplanışı başa vuracaq “Qəbələ” sabah Vətənə qayıdacaq.
Bölmənin digər xəbərləri
