Bu il Gürcüstanda 9 faizlik iqtisadi artım qeydə alınıb
Tbilisi, 1 avqust, AZƏRTAC
Cari ilin birinci yarısında Gürcüstanda 9 faiz iqtisadi artım qeydə alınıb.
AZƏRTAC xəbər verir ki, bu barədə Gürcüstanın Baş naziri İrakli Kobaxidze məlumat verib.
Onun sözlərinə görə, 9 faizlik iqtisadi artım təkcə regionda deyil, bütün Avropada ən yaxşı göstəricidir.
“Bizim əsas vəzifələrimizdən biri iqtisadi artımın sabit tempini saxlamaqdır. İqtisadi artım ölkənin bütün istiqamətlərdə inkişafı, əhalinin sosial vəziyyətinin yaxşılaşdırılması deməkdir və qarşıdakı aylarda da iqtisadi artımın yüksək tempini saxlamaq bizim fəaliyyətimizin əsas vəzifələrindən olacaq”, - deyə, İ.Kobaxidze vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
