Buraxılış imtahanlarının şəhər və rayonlar üzrə siyahısında dəyişiklik edilib
Bakı, 20 iyun, AZƏRTAC
Azərbaycan Respublikası Nazirlər Kabinetinin 2020-ci il 19 iyun tarixli Qərarına əsasən Dövlət İmtahan Mərkəzi tərəfindən iyunun 24-də və 25-də keçirilməsi nəzərdə tutulan imtahanların şəhər və rayonlar üzrə siyahısında dəyişiklik edilib. Bu dəyişikliklərlə mərkəzin saytında tanış olmaq olar.
AZƏRTAC xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə iyunun 20-də keçirdiyi onlayn mətbuat konfransında deyib.
O məlumat verib ki, sərtləşdirilmiş karantin rejimi tətbiq olunan şəhər və rayonlarda imtahanlar keçirilməyəcək. Bu şəhər və rayonlarda imtahanlar sərtləşdirilmiş karantin rejimi başa çatdıqdan sonra təşkil olunacaq.
Bölmənin digər xəbərləri
