BVF-in proqnozlarına görə Ukraynanın investisiya cəlbediciliyi minimuma enəcək
Kiyev, 10 iyun, AZƏRTAC
Beynəlxalq Valyuta Fondu (BVF) 2020-ci ildə Ukraynaya birbaşa xarici investisiyalar axınının 0,8 milyard dollar həddində olacağını proqnozlaşdırır. Bu, 2019-cu ilin müvafiq göstəricisi (1,6 milyard dollar) ilə müqayisədə iki dəfə azdır.
AZƏRTAC BVF-in mətbuat xidmətinə və Ukrayna KİV-lərinə istinadla xəbər verir ki, proqnozlara görə 2020-ci ildə Ukraynanın xarici borcu artaraq 93,0 milyard dollara çatacaq (2019-cu ildə bu göstərici 78,8 milyard dollara bərabər olub).
Məlumatda daha sonra qeyd edilir ki, BVF-in ehtimalına görə, Ukraynada orta illik inflyasiya göstəricisi 2020-ci ildə 4,5 faiz, 2021-ci ildə 7,2 faiz, 2022-ci ildə 5,6 faiz olacaq.
Rüstəm Məmmədov
Kiyev
Bölmənin digər xəbərləri
