Cari ildə Yevlaxda 30 hektar yeni meşələr salınmışdır
Yevlax, 7 iyun (AZƏRTAC). Yevlax rayonunda meşələrin mühafizəsi və bərpası daim diqqət mərkəzində saxlanılır.
Rayon meşə mühafizəsi və bərpası müəssisəsindən AZƏRTAC-a bildirmişlər ki, cari ilin yaz mövsümündə Yevlaxın Kürboyu ərazilərində 30 hektar sahədə tut, göyrüş, akasiya, ağcaqayın, iydə və digər ağac cinslərindən ibarət yeni meşələr salınmış, 40 hektar yaşıllıq ərazisində bərpa işləri aparılmışdır. Kökləndirmək üçün 0,5 hektar sahədə 20 min qələm basdırılmış, 1,75 hektarda böyütmə sahəsi yaradılmışdır. 0,5 hektar sahədə tinglik səpilmiş, 70 kiloqram toxum tədarük edilmişdir.
Payız mövsümündə növbəti meşə əkinlərinə başlanılacaqdır. İlin sonunadək daha 60 hektarda yeni meşələrin salınması, 0,75 hektarda böyütmə sahəsi yaradılması, 3 hektarda tinglik səpilməsi nəzərdə tutulmuşdur.
Bölmənin digər xəbərləri
