Cari ilin altı ayında səyahət agentlikləri və turoperatorların gəlirləri 13,1 faiz artıb
Bakı, 24 oktyabr, AZƏRTAC
Cari ilin yanvar-iyun aylarında səyahət agentlikləri və turoperatorların gəlirləri əvvəlki ilin müvafiq dövrü ilə müqayisədə 13,1 faiz artaraq 22,4 milyon manat olub.
Dövlət Statistika Komitəsindən AZƏRTAC-a bildirilib ki, bu müəssisələr tərəfindən 29,7 min turistə xidmət göstərilib. Bu, da əvvəlki ilin eyni dövrünün göstəricisindən 6,5 faiz çoxdur. Xidmət göstərilmiş turistlərin 19,9 mini xarici ölkə, 6,3 mini ölkə ərazisində səyahət edən Azərbaycan vətəndaşları, 3,5 min nəfəri isə respublikamıza səyahət məqsədilə gələn əcnəbilər və vətəndaşlığı olmayan şəxslərdir.
Bölmənin digər xəbərləri
