“CAVAXK” ERMƏNİ TƏŞKİLATININ GÜRCÜLƏRƏ NÖVBƏTİ AÇIQ MƏKTUBU
Əslində məktub olmayıb, təhqir dolu bu cızma-qarada deyilir: “Gürcülər, daxili mədəniyyətiniz olmadığından siz hüquqi dövlət qura bilməyəcəksiniz. Sizi zəif peşəkarlığınız və total nadanlığınız, hikkəniz məhv edəcəkdir. Bir-birinizi gözünüz götürmür, bir-birinizi qırıb məhv edirsiniz ki, bu da sizin genetik mənsubiyyətinizdən irəli gəlir”.
“Asaval-dasavali” (“Yoxuş-eniş”) qəzetində dərc edilən bu cızma-qarada ermənilər gürcüləri “başıpozuq və səriştəsiz, tənbəl və oğru” adlandırır, guya “sanballı liderləri olmamaqda” ittiham edirlər.
Sanki gürcülərin ünvanına həqarətli söz deməkdən zövq alan Gürcüstan erməniləri “quyruqları qapı arasında qalanda” “dost, xaç qardaşları” adlandırdıqları bu xalqın barəsində təhqiri daha da şiddətləndirərək yazırlar: “Xoşbəxtsiniz ki, öz bədbəxtliyinizi görə bilmirsiniz. Öyünürsünüz ki, “gürcüyəm, deməli, avropalıyam!”. Bəli, cənablar, elə də varsınız. Bəs necə?! Yalnız Vyana şəhərində 2600 gürcü həbsxanada yatır. Bəli, cənablar, bəs necə?! Avropa qalstukları taxırsınız, əslində isə, qalstuklu papuaslarsınız!!!”.
Bölmənin digər xəbərləri
