Çempionlar Liqasında pley-off mərhələsinin püşkü atılıb
Bakı, 31 yanvar, AZƏRTAC
UEFA Çempionlar Liqasının pley-off mərhələsinin püşkatma mərasimi keçirilib.
AZƏRTAC xəbər verir ki, tədbirdə 1/16 finalın cütlükləri bəlli olub.
Püşkatmada əsas mərhələdə 9-24-cü yerləri tutan 16 komanda iştirak edib.
1/16 final mərhələsinin cütlükləri
"Brest" (Fransa) – PSJ (Fransa)
"Mançester Siti" (İngiltərə) – “Real Madrid” (İspaniya)
"Brügge" (Belçika) – “Atalanta” (İtaliya)
"Monako" (Fransa) – “Benfika” (Portuqaliya)
“Yuventus” (İtaliya) – PSV (Niderland)
“Feyenoord” (Niderland) – “Milan” (İtaliya)
“Seltik” (Şotlandiya) – “Bavariya” (Almaniya)
“Sportinq” (Portuqaliya) – “Borussiya Dortmund” (Almaniya)
Bu raundun oyunları 11-12 və 18-19 fevralda keçiriləcək.
Qeyd edək ki, Liqa mərhələsində ilk 8 yeri tutan kollektivlər - “Liverpul”, “Arsenal”, “Aston Villa” (hamısı İngiltərə), “İnter” (İtaliya), “Barselona”, “Atletiko Madrid” (hər ikisi İspaniya), “Bayer” (Almaniya), və “Lill” (Fransa) isə birbaşa turnirin 1/8 finalına yüksəliblər. Bu mərhələnin püşkatma mərasimi fevralın 21-də, matçları isə 4-5 və 11-12 martda oynanılacaq.
Bölmənin digər xəbərləri
