SİYASƏT
Çexiya Deputatlar Palatasının sədri: Azərbaycan ilə Ermənistan arasında dialoqun yaranmasına töhfəmizi verməyə hazırıq
![Çexiya Deputatlar Palatasının sədri: Azərbaycan ilə Ermənistan arasında dialoqun yaranmasına töhfəmizi verməyə hazırıq](/files/2024/1/1200x630/17067987615078116211_1200x630.jpg)
Bakı, 1 fevral, AZƏRTAC
Çex Respublikası üçün tərəflər arasında dialoqun mövcud olması vacib amildir. Biz, əlbəttə, ölkələrin suverenliyini dəstəkləyirik və əlimizdən gələni etməyə hazırıq ki, Azərbaycan ilə Ermənistan arasında dialoqun yaranmasına töhfəmizi verək.
AZƏRTAC xəbər verir ki, bu fikirləri Çex Respublikası parlamentinin Deputatlar Palatasının sədri Marketa Pekarova Adamova jurnalistlərə açıqlamasında deyib.
M. Pekarova sülhün bərqərar olduğu Qafqaz regionunun bundan sonra daha da çiçəklənəcəyini bildirib. “İndi vacib olan məsələ gələcəyə nəzər salmaqdır. Hazırda region ölkələri arasında yeni əlaqələr inkişaf etməkdədir. Bu da bizim hamımız üçün vacibdir”, - deyə Pekarova vurğulayıb.