Çexiyada tarixi abidələrin bərpasına 42 milyon avroya yaxın vəsait ayrılacaq
Praqa, 26 avqust, AZƏRTAC
Çexiya hökuməti ölkənin mühüm tarixi və memarlıq abidələrinin bərpasına bir milyarddan çox kron ayırmağı planlaşdırır.
AZƏRTAC xəbər verir ki, bu ölkənin Baş naziri Andrey Babiş Praqadakı “İnvalidovna” binasının yenidən qurulmasına başlanması mərasimində mədəniyyət naziri Oto Klempirjə hökumətin səlahiyyət müddətində bərpa ediləcək obyektlərin siyahısını təqdim edib. Siyahıya xüsusi əhəmiyyət daşıyan 15-18 dövlət abidəsi daxildir. Maliyyə naziri Alena Şillerovanın bu məqsədlər üçün bir milyard kron, yəni təxminən 41,5 milyon avrodan çox vəsait ayıracağı bildirilib. Baş nazirin sözlərinə görə, siyahı artıq 2027-ci ilin dövlət büdcəsinin hazırlanması prosesində nəzərə alınır.
Bərpası nəzərdə tutulan obyektlər arasında Plasi monastırı, Karlşteyn qalasının növbəti hissəsi və vəziyyəti qənaətbəxş olmayan Qorşovski-Tın qalası var. Moraviya və Sileziyada yerləşən Yanovitse qalası və Qradets-na-Moravitsi qalası da layihəyə daxil edilib. Bu təşəbbüs Çexiyanın mədəni irsinin qorunmasına yönəlib. Layihə dövlət büdcəsi hesabına mərhələli şəkildə həyata keçiriləcək.
Bölmənin digər xəbərləri
