ÇİN 4280 METR HÜNDÜRLÜKDƏ HAVA LİMANI TİKMƏYƏ BAŞLAMIŞDIR
Yerli mətbuat sentayabrın 8-də bildirmişdir ki, Kandin şəhərciyindəki yeni hava limanının 4 min metr uzunluğunda uçuş-enmə zolağı olacaq və o, “Boinq 737-700” və “Aerobus” A-319 kimi təyyarələri qəbul edə biləcəkdir. Onun ildə 330 min sərnişin buraxması nəzərdə tutulmuşdur.
Həmin rayonda hava limanı tikmək fikri hələ 13 il əvvəl irəli sürülmüş, lakin 120 milyon dollar dəyəri olan layihə yalnız bu il mayın sonunda qəti təsdiq edilmişdir. Sərt iqlimli və mürəkkəb relyefli Sıçuanının uca dağlıq qərb hissəsi Çində həmişə uzaq və çətin keçilən region hesab edilmişdir. Hələ Tan dövrünün tanınmış şairi Li Bay (618-907) yazırdı ki, “səmaya çatmaq daha asandır”, nəinki qədimdə Şu knyazlığının yerləşdiyi diyarlara.
Son illərdə ÇXR höküməti, xüsusilə geridə qalmış qərb regionlarında yeni hava limanlarının tikilməsinə milyardlarla dollar sərmayə yatırır ki, onların inkişafına təkan verə bilsin.
Ötən həftə Tibet muxtar rayonunda Myanma və Hindistanla həmsərhəd Nyinqçi prefekturasında, təxminən 3 min metr hündürlükdə üçüncü hava limanı açılmışdır. Bu hava limanı nadir Yarlun Szanbo kanyonunun 120 kilometrliyindədir. Çin alimlərinin qənaətinə görə, onun maksimal dərinliyi 5382 metrdir və dünyada ən böyük kanyondur.
Bölmənin digər xəbərləri
