DÜNYA
Çində dünyanın ən iri günəş-su hibrid elektrik stansiyası tikilir VİDEO
Pekin, 9 iyul, AZƏRTAC
Çinin Siçuan vilayətinin Tibet muxtar prefekturasında dünyanın ən iri günəş-su hibrid elektrik stansiyasının inşasına start verilib.
AZƏRTAC xəbər verir ki, layihə gücü min meqavat olacaq Kela fotovoltaik elekrik stansiyası gücü 3 min meqavata çatan Lianhekou su elektrik stansiyası ilə inteqrasiya ediləcək. Nəticədə hibrid stansiya dünyada ən böyük günəş-su elektrik stansiyası olacaq.
On altı kvadratkilometr sahəni əhatə edəcək stansiyanın ilkin mərhələsi gələn il istifadəyə veriləcək. Hibrid stansiya ildə 2 milyard kilovat/saat təmiz elektrik enerjisi istehsal edəcək. Bu, 600 min ton kömürün verəcəyi enerjiyə bərabərdir və atmosferə ildə 1,6 milton ton az karbon dioksid qazının buraxılması deməkdir.
Ginnesin Rekordlar Kitabına düşmüş dünyanın hazırkı ən iri günəş-su hibrid stansiyası olan Lonyansia da Çində yerləşir.
Şahin Cəfərov
AZƏRTAC-ın xüsusi müxbiri
Pekin