Çində “Honqsya” tayfunu Honkonq və Quanqdonq sahillərinə çatıb
Bakı, 26 iyul, AZƏRTAC
Çində “Honqsya” tayfunu Honkonq və Quanqdonq əyalətinin sahillərinə çatıb.
AZƏRTAC xəbər verir ki, bu barədə Mərkəzi Meteorologiya Stansiyası məlumat yayıb. Hazırda küləyin sürətinin 45 metr/saniyə olduğu bildirilib.
Tayfunla bağlı xəbərdarlıqdan sonra ərazidən 340 mindən çox sakin təxliyə edilib.
Növbəti 24 saat ərzində Quanqdonq əyalətinin paytaxtı Quançjouda güclü yağış gözlənilir. Sinoptiklər 50-100 millimetr, bəzi ərazilərdə isə 250 millimetrə qədər yağıntı proqnozlaşdırırlar.
Qeyd edək ki, Çində yay ənənəvi olaraq güclü yağışlar, tayfunlar, daşqınlar və geoloji fəlakətlərlə xarakterizə olunur.
Bölmənin digər xəbərləri
