Çində metilforiat sızıntısı 8 nəfərin ölümünə səbəb olub
Pekin, 12 iyun, AZƏRTAC
Çinin Quycou vilayətində metilformiat (qarışqa turşusunun metil efiri) sızıntısı 8 nəfərin ölümünə, 3 nəfərin zəhərlənməsinə səbəb olub.
AZƏRTAC vilayət hökumətinin məlumatına istinadla xəbər verir ki, hadisə vilayətin paytaxtı Quyyan şəhərində kimyəvi məhsullar şirkətində yük avtomobilinin malları boşaltdığı zaman baş verib. Xəsarət alanlar xəstəxanalara yerləşdiriliblər. Səlahiyyətli qurumlar hadisəyə dair araşdırmaya başlayıb.
Qeyd edək ki, mürəkkəb efir olan metilformiat kəskin iyli, rəngsiz mayedir. Onun insan üçün təhlükəli olduğu, xüsusən daxili orqanları zəhərlədiyi məlumdur.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
