Çində naməlum şəxs uşaq bağçasına hücum edərək 18 nəfəri yaralayıb
Bakı, 28 aprel, AZƏRTAC
Çinin Quansi-Çjuan muxtar rayonunda naməlum şəxs uşaq bağçasına hücum edib.
AZƏRTAC Çin Mərkəzi televiziyasına istinadla xəbər verir ki, hadisə Beylyu şəhərində yerli vaxtla saat 14:00 radələrində (Bakı vaxtı ilə 10:00) baş verib.
İlkin məlumata görə, 16 uşaq və iki tərbiyəçi kəsilmiş-deşilmiş bədən xəsarətləri alıb. İki uşağın vəziyyətinin ağır olduğu bildirilir.
Polis cinayəti törətməkdə şübhəli bilinən şəxsi tutub. Hücuma nəyin səbəb olduğu və cinayətkarın nə ilə sılahlandığı barədə hələlik məlumat verilmir.
Bölmənin digər xəbərləri
