Çində zəlzələyə görə 20 min insan təxliyə edilib
Pekin, 26 yanvar, AZƏRTAC
Çinin Qansu əyalətinin Qannan Tibet muxtar prefekturasında baş verən 5,5 bal gücündə zəlzələyə görə təxminən 20 min sakin təxliyə edilib.
AZƏRTAC əyalətin fövqəladə hallarla mübarizə qərargahına istinadla xəbər verir ki, yeraltı təkan nəticəsində prefekturanın Tebo rayonunda evlərə, inzibati və sosial binalara ziyan dəyib, tikililərdə çatlar əmələ gəlib. İtki qeydə alınmasa da, tikililərin uçmaq ehtimalı əsas götürülərək 20 min sakinin təxliyə olunmasına qərar verilib. Onlar müvəqqəti məntəqələrdə yerləşdiriliblər.
Çin Seysmologiya Mərkəzinin məlumatına görə, yerli vaxtla saat 14:56-da (Bakı vaxtı ilə 10:56) Tebo rayonunda 5,5 bal gücündə zəlzələ baş verib. Zəlzələ ocağı 10 kilometr dərinlikdə olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
