Çinin xarici ticarəti 7,8 faiz artıb
Pekin, 7 dekabr, AZƏRTAC
Çin Xalq Respublikasının xarici ticarəti noyabrda ötən ilin eyni ayı ilə müqayisədə 7,8 faiz çoxalıb.
AZƏRTAC xəbər verir ki, bu barədə Çinin Baş Gömrük Administrasiyası məlumat yayıb. Bildirilir ki, noyabrda ixrac milli valyuta olan yuanla ifadədə 14,9 faiz artıb, idxal isə 0,8 faiz azalıb.
Qurumun açıqlamasına əsasən, Çinin 11 aydakı xarici ticarəti ötən ilin müvafiq dövrü ilə müqayisədə 1,8 faiz çoxalaraq 29,04 trilyon yuana (təxminən 4,44 trilyon ABŞ dolları) çatıb. Çinin ən böyük ticarət tərəfdaşları Cənub-Şərqi Asiya Dövlətləri Assosiasiyası (ASEAN) ölkələri, Avropa İttifaqı və ABŞ-dır.
Qeyd edək ki, COVID-19 pandemiyası ilin birinci rübündə Çin iqtisadiyyatında, paralel olaraq xarici ticarətdə geriləməyə səbəb olsa da, sonrakı aylarda bərpa və artım müşahidə olunub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
