Çinin XİN rəhbəri Yaponiya və Cənubi Koreyaya səfər edəcək
Pekin, 21 noyabr, AZƏRTAC
Çinin xarici işlər naziri Van İ yaponiyalı və Cənubi koreyalı həmkarlarının dəvəti ilə bu ölkələrə səfər edəcək.
AZƏRTAC xəbər verir ki, Çin Xarici İşlər Nazirliyinin məlumatına əsasən, bu, pandemiya dövründə Çin rəsmilərinin Yaponiyaya ilk, Cənubi Koreyaya isə 2-ci səfəri olacaq. Səfər zamanı ikitərəfli, regional və beynəlxalq məsələlərə dair fikir mübadiləsi aparılacaq, pandemiya ilə mübarizə və post-pandemiya dövründə əməkdaşlıq məsələləri müzakirə ediləcək.
Görüşlər zamanı 3 ölkənin iştirakı ilə müxtəlif formatlı azad ticarət sazişləri çərçivəsində iqtisadi əlaqələrin genişləndirilməsi imkanları da müzakirə mövzusu olacaq.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
