Cinayət Məcəlləsinin xuliqanlıq və dələduzluq maddəsi ilə axtarışda olan iki nəfər yaxalanmışdır
Bakı, 12 sentyabr (AZƏRTAC). Polisin keçirdiyi əməliyyat nəticəsində Cinayət Məcəlləsinin müxtəlif maddələri ilə axtarışda olan iki nəfər yaxalanmışdır.
Bakı Şəhər Baş Polis İdarəsinin mətbuat xidmətindən AZƏRTAC-a bildirmişlər ki, Narkotiklərlə Mübarizə İdarəsi əməkdaşları Cinayət Məcəlləsinin 221-ci (xuliqanlıq) maddəsi ilə axtarışda olan əvvəllər məhkum olunmuş Rövşən Salmanovu yaxalamışlar. Saxlanılan şəxs Tovuz Rayon Polis Şöbəsi tərəfindən axtarılırdı.
Suraxanı Rayon Polis İdarəsinin Cinayət Axtarış Şöbəsi və 31-ci bölməsi əməkdaşları isə Cinayət Məcəlləsinin 178-ci (dələduzluq) maddəsi ilə axtarışda olan Elimxan Kazımovu saxlamışlar.
Bölmənin digər xəbərləri
