COVID-19: Fransada son sutkada 23 minə yaxın yeni yoluxma halı qeydə alınıb
Paris, 22 yanvar, AZƏRTAC
Fransada son sutkada COVID-19 infeksiyasına 23 minə yaxın yeni yoluxma və 358 ölüm faktı qeydə alınıb.
AZƏRTAC xəbər verir ki, bu haqda Fransa Səhiyyə İdarəsi məlumat yayıb.
Bildirilir ki, xəstəxanalarda 25 735 koronavirus xəstəsi müalicə alır. Reanimasiya şöbələrində 2876 ağır xəstə intensiv müalicə olunur. Son 24 saatda reanimasiyaya 292 yeni xəstə daxil olub. Ölkədə pandemiya qurbanlarının sayı 71 998-ə çatıb. Pandemiya başlayandan 214 538 koronavirus xəstəsi sağalıb.
Dekabrın 27-dən bu günədək koronavirusa qarşı 823 mindən çox nəfər peyvənd olunub. Qarşıdan gələn həftə ölkədə 3-cü təcridolma rejiminin tətbiq olunacağı səsləndirilir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
