Cüdoçularımız “Böyük dəbilqə” turnirini bir dəst medalla başa vurublar
Bakı, 6 fevral, AZƏRTAC
Parisdə keçirilən “Böyük dəbilqə” turnirində Azərbaycan cüdoçuları 1 qızıl, 1 gümüş və 1 bürünc medal əldə ediblər.
AZƏRTAC xəbər verir ki, yarışın birinci günündə Balabəy Ağayev (60 kq) final görüşündə Fransa təmsilçisi Sedrik Revolı məğlub edərək fəxri kürsünün ən yüksək pilləsinə qalxıb.
Turnirin ikinci günündə Murad Fətiyev (90 kq) final görüşündə niderlandlı cüdoçu Noel Van T End ilə qarşılaşıb. Məğlub olan təmsilçimiz gümüş medalla kifayətlənib.
Zelim Kotsoyev (100 kq) isə belçikalı cüdoçu Toma Nikiforova qalib gələrək bürünc medala sahib olub.
Azərbaycan medal əyarına görə ümumi hesabda və kişilər arasında dördüncü yeri tutub.
Bölmənin digər xəbərləri
