Daha beş güləşçimiz “Zaqreb Open” turnirində mübarizəyə başlayır
Bakı, 3 fevral, AZƏRTAC
Xorvatiyada güləş üzrə “Zaqreb Open” turniri davam edir.
AZƏRTAC xəbər verir ki, bu gün daha beş güləşçimiz turnirdə mübarizəyə qoşulacaq.
Yunan-Roma güləşçimiz Sənan Süleymanov (77 kq) təsnifat mərhələsində iranlı Amin Yavar Kaviyaninejadla üz-üzə gələcək. İslam Abbasov 1/16 finalda Damian Von Euv (İsveçrə), Məhəmməd Əhmədiyev (hər ikisi 88 kq) təsnifatda Matey Mandiçlə (Xorvatiya) güləşəcək.
Qadınların yarışında Alyona Kolesnik (59 kq) ilk görüşünü moldovalı Anastasiya Niçitaya, Elis Manolova (62 kq) isə Kiyoko Mirakla (ABŞ) qarşı keçirəcək.
Qeyd edək ki, daha əvvəl sərbəst güləşçilərdən Əliabbas Rzazadə (57 kq) qızıl, Hacı Əliyev (70 kq) və Georgi Meşvildişvili (125 kq) gümüş, Cəbrayıl Qadjiyev (74 kq), Əli Rəhimzadə (65 kq), Xadjimurad Qadjiyev (70 kq), Osman Nurmaqomedov (92 kq) və Maqomedxan Maqomedov (97 kq) bürünc əldə ediblər.
Bölmənin digər xəbərləri
