DAMA ÜZRƏ AZƏRBAYCAN ÇEMPİONATI DAVAM EDİR
AZƏRTAC xəbər verir ki, Bakıda 64 xanalı dama üzrə oğlan və qızlar arasında ölkə çempionatının 8-ci turuna yekun vurulmuşdur.
Oğlanların mübarizəsində Aslan Aslanlı liderdir. Bu idmançı 16 vacib xaldan artıq 14-nü əldə edə bilmişdir. Boris Muşailov və Elşad Mürsəlov isə hərəyə 13 xalla 2-3-cü yerləri bölüşürlər.
Oğlanların mübarizəsində ölkə çempionu adını qazanacaq idmançının adı 13-cü turdan sonra məlum olacaqdır.
Qızların yarışında isə Leyla Nəcəfova və Əsli Əliyeva hərəyə 12 xal toplayaraq yarış cədvəlinə liderlik edirlər, Əzizə Rəfizadənin isə 11 xalı vardır.
Qızlar arasında qalibi iki turdan sonra müəyyən etmək mümkün olacaqdır.
Bölmənin digər xəbərləri
