DANİMARKA QƏZETİ HOLOKOSTA KARİKATURALAR DƏRC ETMİŞDİR
Nəşrin baş redaktoru bildirmişdir ki, o, şəkilləri dərc etmək qərarı üzərində ətraflı düşünmüş və Kopenhagenin baş ravvininin razılığını almışdır. Ravvin ona demişdir ki, “bundan da betər karikaturalar görüb”.
Xatırladaq ki, İranda Holokosta karikaturalar sərgisi Danimarkanın “Yullandes posten” qəzetində keçən ilin sentyabrında İslam mövzusunda verilmiş satirik şəkillərə cavab olaraq təşkil edilmişdir. Ondan bir neçə ay sonra Avropanın, Yaxın Şərqin və Asiyanın bir sıra ölkələrində bu karikaturalara qarşı kütləvi etiraz nümayişləri keçirilmiş və 50-dək adam həlak olmuşdur.
İran sərgisinin təşkilatçıları bildirmişlər ki, Qərbin söz azadlığı prinsiplərinə sadiqliyini bu tədbirin köməyi ilə sınaqdan çıxarmaq istəmişlər. Onların məlumatına görə, qalibin 12 min dollar alacağı müsabiqədə 61 ölkənin karikaturaçıları, o cümlədən səkkiz rusiyalı iştirak etmişlər.
Bölmənin digər xəbərləri
