Daxili İşlər Nazirliyi vətəndaşlara təşəkkür edib
Bakı, 8 iyun, AZƏRTAC
Azərbaycan Respublikasının Daxili İşlər Nazirliyi (DİN) xüsusi karantin rejiminin sərtləşdirilməsi ilə əlaqədar ötən həftənin şənbə və bazar günlərində tələblərə riayət etdiklərinə görə vətəndaşlara təşəkkür edib.
DİN-in mətbuat xidmətindən AZƏRTAC-a daxil olan müraciətdə qeyd edilib: “Xüsusi karantin rejiminin sərtləşdirilməsi ilə əlaqədar ötən həftənin şənbə və bazar günlərində sizlərə yaşayış yerini və olduğu yeri tərk etmək qadağan olunub. Sizin sağlamlığınız naminə atılan bu addımları anlayışla qarşıladığınıza, xüsusi karantin rejiminin tələblərinə riayət etdiyinizə görə sizə daxili işlər orqanlarının bütün şəxsi heyəti adından təşəkkürümüzü bildiririk.
Siz səbir və təmkinlə iki gün evdə qalmaqla həm özünüzün, həm də yaxınlarınızın sağlamlığını qorumuş oldunuz. İnanırıq ki, gələcəkdə də belə qərar verilərsə, siz yenə də eyni səbir və təmkin nümayiş etdirəcəksiniz. Bir daha təşəkkür edirik”.
Bölmənin digər xəbərləri
