Daxili İşlər Nazirliyi Xəzər rayonunda baş vermiş qəza ilə bağlı məlumat yayıb
Bakı, 25 may, AZƏRTAC
Mayın 24-də saat 16 radələrində Xəzər rayonunun Binə qəsəbəsi ərazisində F.Əhmədov idarə etdiyi “Feldbinder” markalı qoşqulu yük avtomobilini qarşıda dayanmış, S.Məhərovun idarə etdiyi “Mercedes Vito” markalı avtomobilə vurub.
Daxili İşlər Nazirliyinin mətbuat xidmətindən AZƏRTAC-a verilən məlumata görə, nəticədə S.Məhərovun avtomobilində olan üç sərnişin hadisə yerində həlak olub. Onun özü və beş sərnişini xəstəxanaya yerləşdiriliblər. Onlardan ikisinə ilkin tibbi yardım göstərildikdən sonra evə buraxılıb, digərlərinin vəziyyətləri orta ağırdır.
Hadisə ilə bağlı Xəzər Rayon Polis İdarəsi tərəfindən araşdırma aparılır.
Bölmənin digər xəbərləri
