“Dədə Qorqud” jurnalının növbəti nömrəsində
Bakı, 31 mart, AZƏRTAC
Folklor İnstitutunun “Dədə Qorqud” jurnalının 70-ci nömrəsi çapdan çıxıb.
İnstitutdan AZƏRTAC-a bildirilib ki, “Dədə Qorqud” şöbəsinin müdiri, filologiya elmləri doktoru Ramazan Qafarlının redaktorluğu ilə ildə dörd dəfə nəşr olunan jurnalın bu nömrəsində materiallar beş rubrikada toplanıb. Nəşrin “Qorqudşünaslıq: axtarışlar, aşkarlamalar” bölməsində Ramazan Qafarlının “Dədə Qorqud”da gender münasibətlərinin strukturu və funksionallığı”, filologiya elmləri doktoru, professor Seyfəddin Rzasoyun “Kitabi-Türkman lisani” oğuznaməsi: monoqrafik tədqiqatın nəticələri”, tarix elmləri doktoru, professor Tahir Əmiraslanovun “Kitabi-Dədə Qorqud”dakı bəzi süfrə adətlərində etnopsixoloji məqamların nümayişi”, türkiyəli doktorant Yücetaş Ercanın “Kitabi-Dədə Qorqud”da söz kultu və davranış aktları” məqalələri dərc edilib.
Bundan əlavə, topluda yer almış “Folklorşünaslıq: problemlər, tədqiqlər”, “Azərbaycan folklor örnəkləri”, “Güney Azərbaycan folklorundan örnəklər”, “Yeni nəşrlər: təqdimat və rəylər” rubrikalarında maraqlı araşdırmalarla tanış olmaq mümkündür.
Bölmənin digər xəbərləri
