DƏNİZ LİMANLARININ ƏMƏKDAŞLARI ÜÇÜN SEMİNAR-TƏLİM MƏŞĞƏLƏLƏRİ KEÇİRİLƏCƏKDİR
SCAD IV layihəsinin fəaliyyət istiqamətlərindən biri Azərbaycanda sərhəd nəzarətini gücləndirməklə narkotiklərin qanunsuz dövriyyəsinin, qaçaqmalçılığın qarşısının alınması ilə bağlı mübarizə işlərini daha da yaxşılaşdırmaq və təkmilləşdirməkdir.
Bu baxımdan, sərhəd ərazilərində narkotiklərə nəzarət layihəsi çərçivəsində Avropa İttifaqının eksperti Henrikus Hyusmanın martın 15-dən 17-dək Dünya Gömrük Təşkilatının Bakıdakı Regional Tədris Mərkəzində Cənubi Qafqaz ölkəsi olan Gürcüstanın və Azərbaycanın beynəlxalq dəniz limanlarının 20 əməkdaşı üçün seminar-təlim məşğələlərinin keçirilməsi planlaşdırılmışdır.
Məşğələlərdən məqsəd narkotik qaçaqmalçılığına qarşı mübarizədə əməliyyat-axtarış tədbirlərinin gücləndirilməsi, Qara dəniz və Xəzər dənizi limanlarında strukturlararası kəşfiyyat-məlumat mübadiləsi mexanizminin daha da yaxşılaşdırılması, Avropa metodologiyasına, aparıcı dövlətlərin bu sahədə qazandığı təcrübəyə yiyələnməkdir.
Seminar-təlim məşğələlərində hər iki ölkənin Dövlət Gömrük Komitəsinin bu sahəyə məsul olan yüksək rütbəli şəxsləri, BMT-nin İnkişaf Proqramının və Dövlət Komissiyası İşçi Qrupunun nümayəndələri iştirak edəcəklər.
Sonda iştirakçılara xüsusi sertifikatlar veriləcəkdir.
