DİNİ İCMA RƏHBƏRLƏRİNİN NÖVBƏTİ SEMİNARI KEÇİRİLMİŞDİR
Aprelin 11-də Dini Qurumlarla İş üzrə Dövlət Komitəsində dini icma rəhbərlərinin iştiraki ilə növbəti seminar keçirildi. Komitənin mətbuat xidmətindən AZƏRTAC-a bildirmişlər ki, seminarı giriş sözü ilə Dövlət Komitəsi sədrinin müavini Mustafa İbrahimov açdı. Sonra Yevangelist Xristian Baptist Dini İcmasının sədri İlya Zençenko Azərbaycanda baptistlərin meydana gəlməsi və onların dini icma kimi formalaşması tarixindən danışdı.
Seminarda iştirak edən baptist dini icmasının üzvləri muxtalif tarixi dövrlərdə, xüsusilə də Azərbaycan müstəqillik əldə etdikdən sonra icmalarının fəaliyyəti və onun üzvlərinin vətəndaşı olduqları Azərbaycan dövlətinin quruculuq, suverenliyinin möhkəmləndirilməsi və müdafiəsi işində digər həmvətənləri ilə çiyin-çiyinə çalışdıqlarını xüsusi vurğuladılar.
Qeyd edildi ki, Dövlət Komitəsi respublika vətəndaşlarını vətənpərvərlik ruhunda tərbiyə etmək, onlarda milli suverenliyi, ərazi bütövlüyünü qorumaq hissləri aşılamaq, dini fəaliyyət sahəsində dövlət siyasətini həyata keçirmək, cəmiyyətdə dini dözümlülüyü, tolerantlığı inkişaf etmək yolunda əvəzsiz işlər görür.
Bölmənin digər xəbərləri
