Dnepropetrovsk şəhərində Xocalı soyqırımının 19-cu ildönümü ilə bağlı mərasim keçirilmişdir
Bakı, 21 fevral (AZƏRTAC). İslam Konfransı Gənclər Forumunun, Ukrayna Azərbaycanlı Gənclər Birliyinin və Dnepropetrovsk Azərbaycanlıları Konqresinin birgə təşkilatçılığı ilə Xocalı soyqırımının 19-cu il dönümü ilə bağlı Dnepropetrovsk şəhərində anma mərasimi keçirilmişdir.
Ukrayna Azərbaycanlı Gənclər Birliyindən AZƏRTAC-a verilən məlumata görə, Dnepropetrovsk rəsmilərinin və bir çox xalqların diaspor rəhbərlərinin iştirakı ilə keçirilən anma mərasimində 19 il əvvəl Xocalı şəhərində ermənilər tərəfindən törədilən vəhşiliklər haqqında məlumat verilmişdir. Bildirmişdir ki, Xocalı faciəsi iki yüz ilə yaxın bir müddətdə erməni şovinistləri tərəfindən azərbaycanlılara qarşı müntəzəm olaraq həyata keçirilən etnik təmizləmə və soyqırımı siyasətinin davamı və ən qanlı səhifəsidir.
Tədbirdə “Erməni terroru” sənədli filmi nümayiş olunmuşdur.
Bölmənin digər xəbərləri
