Donald Tramp ABŞ-ın müttəfiqləri ilə əlaqələri korlamaqda ittiham olunur
Bakı, 16 yanvar, AZƏRTAC
Senatın Kəşfiyyat Komitəsinin sədr müavini demokrat Mark Uorner Prezident Donald Trampı Qrenlandiya məsələsində ABŞ-ın müttəfiqlərini Vaşinqtona qarşı qaldırmaqda ittiham edib.
AZƏRTAC xəbər verir ki, Mark Uorner bunun özünün sosial media hesabında yazıb. “İnanılmazdır. Hazırda Fransa, Almaniya, Böyük Britaniya, Norveç və İsveç öz qoşunlarını Qrenlandiyaya göndərir. Donald Tramp müttəfiqlərimizi bizə qarşı qaldırıb”, - deyə senator bildirib.
Xatırladaq ki, NATO ölkələri Danimarkanın müraciəti ilə Qrenlandiyanı ABŞ-dan qorumaq üçün adaya 30-dan çox hərbçi göndərmək niyyətindədir.
Bir müddət öncə Ağ Evin rəsmi nümayəndəsi Kerolayn Livitt avropalı hərbçilərin Qrenlandiyaya göndərilməsinin ABŞ Prezidenti Donald Trampın adanı əldə etmək qərarını dəyişdirməyəcəyini vurğulayıb.
Bölmənin digər xəbərləri
