Donald Tramp: Sülh Şurası BMT-ni əvəzləyə bilər
Bakı, 21 yanvar, AZƏRTAC
BMT potensialı sayəsində fəaliyyətini davam etdirməlidir, lakin Qəzza ilə bağlı təklif edilən Sülh Şurası bu təşkilatı əvəzləyə bilər.
AZƏRTAC xəbər verir ki, ABŞ Prezidenti Donald Tramp bunu Ağ Evdə jurnalistlər üçün təşkil olunan brifinqdə deyib. Birləşmiş Ştatların dövlət başçısı təxminən 2 saatlıq çıxışında BMT-ni müharibələrə son qoymaqda səmərəsiz fəaliyyətinə görə dəfələrlə tənqid edib.
Xatırladaq ki, Sülh Şurası əvvəlcə İsrail-Fələstin münaqişəsinə son qoymaq və Qəzza sektorunun yenidən qurulmasını təmin etmək məqsədilə ABŞ tərəfindən hazırlanan 20 maddəlik sülh planının bir hissəsi kimi təklif olunub.
Lakin bir neçə media orqanı tərəfindən əldə edilən qurumun nizamnamə layihəsində Qəzza sektorundan bəhs olunmur. Bunun əvəzinə, orada bütün dünyada münaqişələrin həllinə yardım üzrə BMT-nin onilliklərdir oynadığı rolu əks etdirən görüşlər yer alıb.
Ekspertlər Sülh Şurasını “Donald Trampın BMT-si” adlandırır və onun fəaliyyətinin BMT-ni zəiflədəcəyini düşünürlər.
Bölmənin digər xəbərləri
