Donald Tramp: Türkiyəyə qarşı sanksiyaların olmasını istəmirəm
Ankara, 07 İyul, AZƏRTAC
Ankaraya qarşı CAATSA (Amerikanın düşmənlərinə qarşı sanksiyalar vasitəsilə mübarizə Qanunu) sanksiyalarının olmasını istəmirəm. Artıq vaxtı gəlib çatıb. Biz dostlarımıza sanksiya tətbiq etmirik.
AZƏRTAC xəbər verir ki, ABŞ Prezidenti Donald Tramp bu fikri Türkiyə Prezidenti Rəcəb Tayyib Ərdoğan ilə Ankarada keçirdiyi görüşdən əvvəl mətbuata açıqlamasında səsləndirib.
Tramp Rusiyanın S-400 hava hücumundan müdafiə sistemləri ilə bağlı suala da cavab verib: “O məsələ ilə bağlı heç bir narahatlığım yoxdur. Burada ölkəsini daha da gücləndirən bir lider var. Əlaqələr birinci müddətimdə yaxşı idi, indi isə daha da yaxşıdır”.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
