Donald Trampın İrana qarşı irəli sürdüyü tələblər məlum olub
Bakı, 29 yanvar, AZƏRTAC
ABŞ Prezidenti Donald Tramp nüvə proqramı və ballistik raketlərlə bağlı İrana üç tələb irəli sürüb.
AZƏRTAC xəbər verir ki, “The New York Times” qəzeti bu barədə mənbələrinə istinadla məlumat yayıb.
Nəşrin həmsöhbətlərinin sözlərinə görə, tələblərə uranın zənginləşdirilməsinin birdəfəlik dayandırılması və mövcud ehtiyatların məhv edilməsi, eləcə də ballistik raketlərin mənzili və sayının məhdudlaşdırılması daxildir.
Bundan əlavə, Tehrandan Yaxın Şərqdəki proksi qruplara dəstəyini kəsməsi tələb olunur.
Bir müddət öncə yayılan məlumata görə, Donald Tramp Tehranın nüvə proqramının məhdudlaşdırılması üzrə iki ölkə arasında danışıqların uğursuz alınacağı təqdirdə İrana güclü zərbə endirməyi düşünür. ABŞ dövlət başçısı sövdələşmə ilə bağlı heç bir təfərrüat verməsə də, “nəhəng armadanın” İrana yaxınlaşdığını və ölkənin tələbləri yerinə yetirməli olduğunu bildirib.
Bölmənin digər xəbərləri
