DONBASDA DİYARI FAŞİSTLƏRDƏN AZAD EDƏN MÜSƏLMANLARIN XATİRƏSİ YAD EDİLMİŞDİR

23.05.2006 [23:26]
Çap et
A⁺ A^-

AZƏRTAC “Za Donbas” saytına istinadla xəbər verir ki, mayın 21-də Donetsk vilayətinin Saur-Mogila memorial kompleksində Donbasın azadlığı uğrunda həlak olmuş müsəlmanların xatirəsinə həsr edilmiş tədbir keçirilmişdir. Tədbir təşəbbüsçülərinin mətbuat üçün yaydıqları məlumatda deyilir: “Neçə illərdir ki, pravoslav həmyerlilərimiz həlak olmuş qəhrəman dindaşlarının şərəfinə tarixi Saur-Mogila memorial kompleksində xatirə mərasimi keçirirlər. Şaxtaçılar diyarını azad edərkən çoxlu müsəlman döyüşçü də həlak olmuşdur. Onların arasında “Qızıl ulduz” ali mükafatına layiq görülənlər də var”.

Müraciətdə daha sonra deyilir: “Bütün tərəqqipərvər bəşəriyyət faşizm üzərində Qələbə naminə canlarından keçmiş adamlara minnətdardır. Biz müsəlmanlar da fəxr edirik ki, ata-babalarımız öz həyatları bahasına bu Qələbəyə sanballı töhfə vermişlər”.

Tədbirin iştirakçı və təşkilatçıları Snejnoye şəhərinin müsəlman icması, Ukraynanın müsəlman ruhani mərkəzi, həmçinin bir sıra milli və ictimai təşkilatlar idi.

DONBASDA DİYARI FAŞİSTLƏRDƏN AZAD EDƏN MÜSƏLMANLARIN XATİRƏSİ YAD EDİLMİŞDİR

MÜƏLLİFLƏ ƏLAQƏ

Bölmənin digər xəbərləri