“DÖRD YOL” QƏSƏBƏSİ MƏCBURİ KÖÇKÜNLƏRİ QƏBUL EDİR
Rayon icra hakimiyyətində AZƏRTAC-ın müxbirinə bildirmişlər ki, Ağdam rayonunun ərazisində məcburi köçkünlər üçün salınan 12 qəsəbəyə Bərdədəki “Qızıl Ay”, “Ərəb-1”, “Ərəb-3” çadır düşərgələrində, yük vaqonlarında, Ağcabədidəki “Qızıl Ay” çadır düşərgəsində müvəqqəti məskunlaşmış 3860 məcburi köçkün ailəsi köçürüləcəkdir. “Alıbəyli-1”, “Alıbəyli-2”, “Bənövşələr”, Səfərli, Baharlı qəsəbələri ilə yanaşı, “Dörd yol” qəsəbəsinə köçürülmə başlanmışdır. Bu iş Dövlətqaçqınkom və Deportasiya Departamenti tərəfindən müvafiq qaydada həyata keçirilir. “Qızıl Ay” çadır şəhərciyindən yeni qəsəbəyə bir neçə gün ərzində 200-ə yaxın ailə köçmüşdür. İndiyədək rayonun ərazisində salınan qəsəbələrdə 1000-dən çox ailə məskunlaşmışdır. Yeni qəsəbələrə köçürülmə davam edir.
