Dövlət İmtahan Mərkəzi “Peşəkar mühasib” metodik vəsaitini nəşr edib
Bakı, 16 sentyabr, AZƏRTAC
Dövlət İmtahan Mərkəzi (DİM) “Peşəkar mühasib” metodik vəsaitini nəşr edib.
DİM-dən AZƏRTAC-a bildirilib ki, metodik vəsait peşəkar mühasib sertifikatı verilməsi üçün keçirilən test imtahanına (I və II mərhələ) hazırlaşanlar və ictimaiyyətin bu sahə ilə maraqlanan təbəqəsi üçün nəzərdə tutulub. Vəsaitdə bu sahə ilə əlaqədar qanunvericilik aktları, imtahan proqramları, imtahanın hər iki mərhələsinə aid tapşırıq nümunələri və digər zəruri materiallar dərc edilib.
Vəsaiti DİM-in əsas inzibati binasından (Bakı şəhəri, akademik Həsən Əliyev küçəsi, 299), həmçinin kitab mağazalarından almaq və ya www.abiturient.az saytından sifariş etmək mümkündür.
Bölmənin digər xəbərləri
