Dövlət İmtahan Mərkəzində coğrafiya fənni üzrə hazırlıq kursu keçirilib
Bakı, 18 noyabr, AZƏRTAC
Noyabrın 18-də Dövlət İmtahan Mərkəzində (DİM) coğrafiya fənni üzrə hazırlıq kursu keçirilib.
DİM-dən AZƏRTAC-a bildirilib ki, COVID-19 pandemiyası ilə bağlı ciddi karantin şəraitini nəzərə alaraq kurs onlayn qaydada keçirilib. Hazırlıq kursuna Lerik rayonunun Siyov kəndindən Şahin Sadıqov qoşulub. Məşğələni moderator Bakı şəhəri 3 nömrəli tam orta məktəbin müəllimi Şahsənəm İskəndərova aparıb. Məşğələdə ölkənin təhsil sistemində aparılan islahatlar, fənn kurikulumunun mahiyyəti, strukturu, qəbul imtahanında mənimsənilmə səviyyəsinin yoxlanılması və qiymətləndirilməsi mümkün olan alt standartlar haqqında məruzə təqdim edilib. Təqdimatla bağlı Şahin Sadıqovun sualları cavablandırılıb.
Kursun növbəti məşğələsi qəbul imtahanlarının ikinci mərhələsində istifadə edilən qapalı, açıq tipli və cavabı yazı ilə ifadə olunan tapşırıqların hazırlanması və qiymətləndirilməsi mövzusuna həsr olunacaq.
Bölmənin digər xəbərləri
