Dövlət Neft Şirkətinin Ekoloji Ölçmə Mərkəzində daxili audit keçirilmişdir
Bakı, 18 may (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsinin Ekoloji Ölçmə Mərkəzində “Sınaq və kalibrləmə laboratoriyalarının səlahiyyətliliyinə ümumi tələblər” standartının tətbiq edilməsi, müəssisənin etibarlılıq səviyyəsinin yüksəldilməsi və eyni zamanda daxili prosedurların uyğunluluğunu qiymətləndirmək məqsədilə daxili audit keçirilmişdir.
AZƏRTAC xəbər verir ki, audit zamanı ekoloji ölçmə məntəqələrinin binalarında olan şərait, qeydlərin aparılması, arxivləşdirilməsi, məlumatların qorunması, sınaqların keçirilməsi və prosesin bütün detallarının sənədləşdirilməsi, keyfiyyət monitorinqi və nəzarəti, testlərin nəticələri ilə birlikdə tam ölçülərinin qeyri-məhdudluğunun qiymətləndirilməsi yoxlanılmışdır.
Bölmənin digər xəbərləri
