Dövlət Xidməti: Hərracda 13 nəqliyyat vasitəsi və buldozer satılıb
Bakı, 17 may, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən mayın 16-da keçirilən özəlləşdirmə hərracına çıxarılan nəqliyyat vasitələrinə və texnikaya (buldozer) ümumilikdə 38 sifariş qəbul edilib, 13 nəqliyyat vasitəsi və texnika (buldozer) satılıb.
Dövlət Xidmətindən AZƏRTAC-a bildirilib ki, budəfəki hərracda “Buldozer T-130” markalı texnikaya maraq daha çox olub. Belə ki, buldozerin ilkin satış qiyməti 2000 manat olsa da, ən son təklif 4800 manata yüksəlib. Bundan başqa, 700 manat ilkin satış qiyməti ilə təklif edilən “QAZ 66-11” markalı nəqliyyat vasitəsi 2500 manata satılıb. Hərracda özəlləşdirilən nəqliyyat vasitələrinin siyahısı ilə https://clck.ru/34SEsp linki vasitəsilə tanış olmaq mümkündür.
Əmlak Məsələləri Dövlət Xidməti tərəfindən təşkil edilən növbəti hərraclar mayın 23 və 30-da keçiriləcək.
Bölmənin digər xəbərləri
