Dünyanın 130 ölkəsi iqlim üzrə Paris sazişini imzalamağa hazırlaşır
Bakı, 11 aprel, AZƏRTAC
Aprelin 22-də BMT-nin Nyu-Yorkdakı mənzil-qərargahında ötən ilin dekabrında Parisdə qəbul edilmiş tarixi sazişin yüksək səviyyəli imzalanma mərasimi keçiriləcək. Artıq 130 ölkə mərasimdə iştirak etməyə hazır olduğunu bildirib.
AZƏRTAC BMT-nin xəbərlər mərkəzinə istinadla xəbər verir ki, elə ilk açılış günü 130 dövlətin nümayəndələri sənədi imzalayacaqlar. Onların sırasında 60-dən çox dövlət və hökumət başçısı da olacaq.
Razılaşma iqlim dəyişiklikləri məsələləri üzrə BMT-nin Çərçivə Konvensiyasına üzv dövlətlərin 21-ci konfransında Parisdə qəbul edilib. Sənəd ekoloji cəhətdən davamlı gələcəyə yol açır və qlobal temperaturun Selsi ilə 1,5 dərəcə səviyyəsində saxlanılmasını vəd edir.
Bölmənin digər xəbərləri
