Düşənbədə Şanxay Əməkdaşlıq Təşkilatı Milli Əlaqələndiricilər Şurasının növbəti iclası keçirilir
Düşənbə, 26 yanvar, AZƏRTAC
Tacikistanın paytaxtı Düşənbədə Şanxay Əməkdaşlıq Təşkilatının (ŞƏT) üzvü olan dövlətlərin Milli Əlaqələndiricilər Şurasının növbəti iclası keçirilir.
AZƏRTAC xəbər verir ki, iclasda Tacikistanın ŞƏT-ə sədrliyi dövründə əsas tədbirlər planı, o cümlədən təşkilatın bu il sentyabrın 16-17-də Düşənbədə baş tutacaq Sammiti, bu çərçivədə qurumun 20 illik yubileyinin keçirilməsi məsələləri müzakirə olunur. Bildirilib ki, Tacikistanın ŞƏT-ə sədrliyi dövründə 100-dən çox tədbirin keçirilməsi nəzərdə tutulur.
Xatırladaq ki, Çin, Rusiya, Qazaxıstan, Qırğızıstan, Özbəkistan, Tacikistan, Pakistan və Hindistan ŞƏT-in üzvləridir. Belarus, İran, Monqolustan və Əfqanıstan təşkilatda müşahidəçi statusuna malikdir.
Azərbaycan ŞƏT-də dialoq üzrə tərəfdaş qismində çıxış edir.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
