Əbu-Dabidə ikiaylıq körpə üzərində aparılan sümük iliyi transplantasiyası uğurla başa çatıb
Bakı, 5 dekabr, AZƏRTAC
Əbu-Dabidə ikiaylıq pakistanlı körpə üzərində aparılan sümük iliyi transplantasiyası əməliyyatı uğurla yekunlaşıb.
AZƏRTAC Birləşmiş Ərəb Əmirliyinin WAM informasiya agentliyinə istinadla xəbər verir ki, eyni vaxtda üç aqressiv infeksiya ilə klinikaya gətirilən körpənin vəziyyəti çox ağır olub. Onun əlavə kimyəvi terapiyalar almaq üçün immun sistemi zəif olub. Buna görə atasının sağlam kök hüceyrələrindən istifadə olunaraq körpəyə dərhal sümük iliyi köçürülüb.
Həkimlər bu metodun çox çətin, qeyri-ənənəvi, lakin immun sistemini bərpa etmək üçün yeganə şans olduğunu bildiriblər. Hazırda körpə süni nəfəs aparatından çıxarılıb və sərbəst nəfəs alır. Hər üç virus onun bədənindən təmizlənib.
Bölmənin digər xəbərləri
